नुवाकोट सिन्दुरे जात्रा– भैरबी मन्दिर परिसरमा लिङ्गो ठड्याईयो

0
SHARES
10
VIEWS

नुवाकोटको प्रचलित जात्रा सिँदुरे जात्रा अन्तर्गत विभिन्न क्रियाकलाप शुरु भएको छन् । जात्राको क्रममा सोमवार राती भैरवि मन्दिर परिसरमा लिङ्गो उठाईएको छ । जनप्रतिनिधी, नेपाली सेना र स्थानीयको सहभागितामा भैरबी मन्दिर परिसरमा लिङ्गो उठाईएको हो ।

सोमबार बेलुकी धामी नुहाउने, क्षेत्रपालमा गई महावनी लिने, रातको ८ बजे बुढी भैरवीमा तल्लो लिंगो उठाँउने र सोही ठाउँबाट यात्रा गर्दै बली चढाउँदै भैरवी मन्दिरको अगाडि आउने र नेपाली सेनाबाट माथिल्लो लिंगो ठढ्याउने, त्यसपछी निमन्त्रणा पूजा गरी राती भैरवी माई देवीलाई रथमा राख्ने लगायत क्रियाकलाप सञ्चालन भएका हुन् । बैसाख  ११ गते  साततले दरबारमा सिन्दुर हाल्ने र तुलजा भवानीको मन्दिरमा धामीबाट महाबली लिई धामी धमिनी, कुमार, गणेश, निसान गुठियार सहित भैरवीस्थान आई भैरवी माइको रथ उठाई बाजागाजा रकमी गुठियार सवै धरमपानी, बाराही, बट्टार इनारपाटी,बाडाचौतारो हुदै देवीघाट पुग्ने, सोही राती विधिपूर्वक पुजा गरी धामीलाई भोग दिएपछि पुर्णिमाको काम सम्पन्न हुने छ। 

२०८१ बैसाख १२ गते विहान ‘इही’ गर्ने, विधिपुर्वक पुजाआजा गर्ने बेलुका रथ धामी धमीनी देवीघाटबाट फर्कने, राती देवीघाट बाडाचौतारो–इनारपाटी–बट्टार–पुरानोबजार हुदै बाराहीबाट धरमपानीमा वैशाख १३ गते विहान आइपुग्नेछ । २०८१ बैसाख १३ गते दिनको ३ बजे विदुर २ धरमपानीबाट श्री भैरवी माइको रथ श्रीकाधामी, धमिनी, गणेश, कुमार गुठीयार बाजागाजा साजवाज निसान सहित आसागुर्जा टोली, सैनिक सुरक्षाका साथ भैरवी स्थान तर्फ प्रस्थान गर्ने, भैरवी माइको प्रांगणमा सिन्दुर हालेर तुलजा भवानीको मन्दिर पुग्ने, सोही रात भैरवी मन्दिर परिसर शितपाटी डवलीमा श्रीका धामीद्वारा भोग खानेछन् । २०८१ बैसाख १४ गते बेलुका साततले दरबार तुलजा भवानी मन्दिर परिसरमा विधि पुर्वक स्यावजी बाढिने छ । 

२०८१ बैसाख १८ गते वेलुका लामपाटीमा स्यावजी बाढिने छ । बैसाख १९ गते हनुमान ढोका कर्णेलचोकबाट आउनु भएको भगवतीलाई नागपानी भगवती थानमा विधि पूर्वक पुजाआजा गर्ने । बैशाख २० गते बेलुका भैरवीको विधि पूर्वक पुजाआजा गरी भैरवी भित्र्याउने । २०८१  वैशाख २१ गते विहान माथिल्लो लिंगो ढाल्ने । २०८१ वैशाख २२ गते विहान तल्लो लिंगो ढाल्ने।  उपरोक्त कार्यमा विभिन्न स्थानहरुमा बढाई सहित यस वर्षको श्री भैरवी माइको वर्ष बन्धन सिन्दुरे जात्रा पर्व समाप्त हुने जनाईएको छ ।

यो खबर पढेर तपाईलाई कस्तो महसुस भयो ?
Array
शेयर गर्नुहोस:
प्रतिक्रिया दिनुहोस

Discussion about this post

सम्बन्धित समाचार

Related Posts

ट्रेन्डिङ
भर्खरै प्रकाशित