१० साउन, २०८१ । नुवाकोट । नुवाकोटको लिखुखोलामा मानव कंकाल फेला परेको छ । लिखु ३ मालाकोटस्थित लिखुखोलाको किनारमा बालुवाले दबिएको अवस्थामा मानव कंकाल फेला परेको हो ।
हाल नामथर, वतन तथा लिङ्ग नखुलेको मानव कंकाल फेला परेको जिल्ला प्रहरी कार्यालय नुवाकोटले जनाएको छ । शवको पहिचान हुन सक्ने अवस्था नरहेको प्रहरीले जनाएको छ । स्थनीय नागरिकले दिएको सूचनाको आधारमा ढिकुरेमा रहेको प्रहरी चौकीबाट खटेको प्रहरीको टोलीले शवको मुचुल्का उठाई अनुसन्धान अघि बढाएको छ ।