नुवाकोट । १६ कार्तिक
नुवाकोटमा भएको सवारी दुर्घटनामा एकजनाको मृत्यु भएको छ । विहिवार साँझ टोखा छहरे सडक खण्ड अन्तर्गत लिखु गाँउपालिका वडा नं. ६ दोबाटे स्थित कालिका होटल अगाडी मिनिट्रक र मोटरसाईकल एक आपसमा ठक्कर खाँदा मोटरसाईकलमा यात्रारत युवाको मृत्यु भएको हो ।
दुर्घटनामा घाईते भएका तादी गाँउपालिका वडा नं. ३ बस्ने ३६ वर्षका बिनोद चौलागाईको काठमाण्डौंको ग्रिनसिटी अस्पतालमा उपचारका क्रममा मृत्यु भएको हो । ढिकुरे बाट छहरे तर्फ जादै गरेको बा ५ ख ७०१६ नं. को आईचर ट्रक र बिपरीत दिशाबाट आउदै गरेको गरेको बा ६२ प २८७९ नं।को मोटरसाइकल एक आपसमा ठक्कर खाई दुर्घटना भएको हो । दुर्घटनामा मोटरसाईकल चालक तादी गाउँपालिका ३ बस्ने बर्ष ३२ वर्षिय राजाराम श्रेष्ठ, मोटरसाईकल पछाडी बसेका बिनोद चौलागाई र पैदल यात्री १८ वर्षिय प्रशान्त गोतामे समेत गरी ३ जना घाईते भएकोमा उनीहरुलाई उपचारका लागि तत्काल उद्दार गरी ग्रिन सिटी अस्पताल पठाईएको र एकजना घाईतेको मृत्यु भएको जिल्ला प्रहरी कार्यालय नुवाकोटले जानकारी दिएको छ ।